Хүүхдийн нийгмийн ажилтан нь хүүхдийн эрх, аюулгүй байдал, сайн сайхныг сахин ажилладаг мэргэжилтэн юм. Хүүхдийн нөхцөл байдлыг үнэлж анхан шатны бүртгэлд бүртгэж тоон судалгаа гарган ажилладаг ба хүүхэд сэтгэл санааны болон бие мах бодын хүчирхийлэлд өртөхөөс урьдчилан сэргийлж, эрсдэлтэй нөхцөлд байгаа хүүхдийг илрүүлж, хамгааллын үйлчилгээ үзүүлж, холбон зуучлах үйлчилгээ үзүүлдэг. Хөгжлийн бэрхшээлтэй хүүхдийн нийгэмших үйл явцыг дэмжих, хүүхдийн эрх, оролцоог хангах, эцэг эх, асран хамгаалагчдад зөвлөгөө, мэдээлэл өгөх, хүүхдэд тулгарч буй нийгмийн болон сэтгэлзүйн асуудлыг шийдвэрлэхэд туслах мөн бусад мэргэжлийн багтай (сэтгэлзүйч, багш, эмч, нийгмийн ажилтан) уялдаа холбоотой ажилладаг.
Гэр бүлийн нийгмийн ажилтны тусламж
Гэр бүлийн нийгмийн ажилтны тусламж
- Нас:2-3 нас
- Багтаамж: 14 хүүхэд
- Хугацаа: 9:00-11:00
ГЭР БҮЛИЙН НИЙГМИЙН АЖИЛТНЫ ТУСЛАМЖ
ЯМАР ҮР ДҮНД ХҮРЭХ ВЭ?
· Эцэг эх, асран хамгаалагчдад зөвлөгөө, мэдээлэл өгснөөр хүүхдийнхээ хөгжлийн төлөвлөгөөнд хамт оролцож, санал бодлоо илэрхийлэх, шийдвэр гаргахад оролцоно. Тэдэнд зөвлөгөө, мэдээлэл, сургалт өгснөөр гэртээ хүүхдээ дэмжих, урамшуулах зөв арга барил эзэмшинэ.
· Олон талт хамтын ажиллагааг сайжруулснаар бүх оролцогч талууд хүүхдийн талаар нэг ойлголттой, нэг зорилгоор хамтран ажиллах ба нэгдсэн төлөвлөгөөн дор бүгд ижил хариуцлага хүлээнэ. Хүүхдэд үзүүлэх дэмжлэг илүү чанартай, тасралтгүй болно.
· Нийгэм хүрээлэн буй орчны хүчин зүйлээс шалтгаалсан асуудлыг зөв даван туулах, хүүхдийн хүчирхийлэл, эрдэлт хүчин зүйлсийн нөлөөг бууруулах, уг асуудлыг өөрчлөхөд чиглүүлэн ажиллана.